Бостон Селтикс го победи Индијана Пејсерс со 133:128 по продолжението на првиот натпревар од конференциското финале на НБА плејофот.
Во серија која се игра на четири победи и ќе даде учесник во големото финале на НБА лигата, Бостон на крајот ја искористи големата грешка на Индијана и поведе со 1:0.
Клучниот момент на натпреварот се случи на десет секунди пред крајот. Индијана имаше предност 117:114 и топка, но Сијакам тргна по топката која одеше во аут и непотребно ја допре. Топката беше доделена за Бостон, а останаа уште 8,5 секунди. Од тешка ситуација, со играч пред себе, Браун погоди тројка од корнер за израмнување. Во преостанатите 5,7 секунди резултатот не се промени и се играше продолжение, во кое победи Бостон.
Браун натпреварот го заврши со 26 поени, седум скока и пет асистенции. Тајрис Халибартон постигна 25 поени и запиша 10 асистенции за Пејсерси, а Мајлс Тарнер постигна 23 поени и забележа 10 скока. Сијакам натпреварот го заврши со 24 поени, 12 скока и седум асистенции.
Вториот натпревар се игра во четврток, повторно во Бостон.
You already know what it is 😏
JB’s game-tying shot is tonight’s @DraftKings Play of the Game pic.twitter.com/n4gSqcsHcU
— Boston Celtics (@celtics) May 22, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
