Македонската А репрезентација продолжува со подготовките за пријателските натпревари против Хрватска (3. јуни, Ријека) и Чешка (10. јуни, Храдец Кралове), одржувајќи го денешниот утрински тренинг на тренинг центарот „Петар Милошевски“ во Скопје.
Селекторот Боби Милевски се уште работи во некомплетен состав. Познато е дека селекцијата ќе биде ослабена со неиграњето на капитенот Енис Барди кој отпадна поради повреда. Од утре на тренинзите треба да се приклучат Ѓоко Зајков, Столе Димитриевски, Александар Трајковски и Јани Атанасов.
Бојан Димоски со својот клуб Акрон Тољати на 1. јуни игра плеј-оф натпревар за влез во Првата руска лига и ќе им се приклучи на репрезентативните колеги на директно во Ријека на собирот во Хрватска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
