Второлигашот Охрид одлучи да се раздели со шефот на стручниот штаб Александар Толески.
Охриѓани новата второлигашка сезона ќе ја очекуваат со нов тренер, откако денеска и официјално ја прекинаа соработката со досегашниот стратег.
„Од денеска г-динот Александар Толески престанува да ја врши функцијата тренер во клубот. Му се заблагодаруваме на чесниот и достоинствен однос кон боите на клубот. Максимално учествуваше во давањето поддршка на младите играчи од нашиот град, што крајно е наша врвна цел, а ние како управа ги донесовме во клубот, можеби резултатите не беа на наше очекувано ниво. Ние како клуб сакаме да воведиме нова енергија во тимот, а тоа се прави со промени за воведување позитивна атмосфера. Аце сигурно во иднина ќе има шанса пак да ја води екипата, затоа што како човек и тренер го заслужува тоа!“ – се вели во информацијата од ГФК Охрид.
Според информациите од Охрид, како нов тренер се најавува Пепи Џигероски кој ги водеше охриѓани пред именувањето на Толески.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
