Освен навивачите на Реал Мадрид, и фановите на Динамо навиваа „кралевите“ да дојдат до пехарот, затоа што финансиски ќе профитираат од успехот на шпанскиот првак.
Желбите на Динамо се остварија, па така тие добро ќе се опарат од овој успех на Реал. Ако победеше Борусија Дортмунд, Бундеслигата ќе добиеше уште еден претставник во ЛШ, и тоа ќе беше Ајнтрахт Франкфурт, и тој тим со најголем коефициент во квалификациите, би го зазел местото на Динамо во баражот, а „модрите“ би стартувале од 2. квалификациксо коло.
Сепак, Реал победи и тоа му донесе добра ситуација на хрватскиот шампион. Зега Динамо има обезбедено плеј-оф во ЛШ, и со тоа му е загарантиран пласман во групната фаза во Лигата на Европа. Динамо е носител во плеј-офот, а можни противници му се Јанг Бојс, Карабах, Галатасарај, Слован Братисла и Бодо/Глимт.
Ако испадне од таа фаза, ќе игра во Лигата на Европа, што му носи добивка од 13 до 15 милиони евра. Тие пари ги има загарантирано, а можат да бидат повеќе, ако се пласира во групната фаза во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
