Голманот на фудбалската репрезентација на Аргентина, Емилијано Мартинез изјави дека сака да учествува на Олимписките игри во Париз и дека затоа е подготвен да влезе во конфликт со својот клуб Астон Вила.
Олимпијадата не е натпреварување под јурисдикција на Меѓународната фудбалска федерација (ФИФА) и клубовите не се обврзани да ги пуштат своите играчи.
„Секогаш сум ја ставал аргентинската репрезентација на прво место и ако треба да војувам со мојот клуб, ќе го сторам тоа. Најважна ми е Копа Америка, потоа Олимписките игри. Мојот сон е да освојам златен медал. Мојата желба е да играм на Олимписките игри, но тоа не зависи само од мене“, изјави Мартинез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
