Бостон го прегази Далас, победувајќи со 107-89 на стартот од финалната серија во НБА лигата, испраќајќи силна порака до екипата на Џејсон Кид.
Словенецот Лука Дончиќ си го испорача своето, постигнувајќи 30 поени, но имаше само една асистенција што покажува дека противничките кошаркари не му дозволија да ги разигра соиграчите.
Најефикасен во победничкиот тм беше феноменалниот Џејлен Браун кој постигна 22 поени, плус со шест скока, три украдени топки, две блокади и две асистенции, а Порзингис заврши со 20 поени, за само 21 минута. Интересно, Тејтум постигна само 16 поени, со 6 од 16 од игра, но Бостон и покрај тоа му одржа час по кошарка на Далас.
AIR JAYLEN pic.twitter.com/kgI0ivTmNP
— Boston Celtics (@celtics) June 7, 2024
Кај Далас потфрлија Ирвинг со 12 поени, Џонс кој имаше шут 2 од 9, а центрите речиси и да немаа никаков учинок.
Следниот натпревар од финалето се игра ноќта меѓу недела и понеделник (10. јуни).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
