Јошко Јеличиќ уште додека играше беше во центарот на вниманието и правеше ризични потези, а сега повторно е во центарот на балканската јавност, откако отворено го нападна селекторот на Србија, Драган Стојковиќ Пикси.
Доста силно одекна изјавата на поранешниот играч за врска на Хајдук и Динамо Загреб, Јошко Јеличиќ за српската репрезентација! Поранешниот фудбалер, роден 1971 година во Солин, ја навикна хрватската јавност на бомбастични изјави и со години беше стручен консултант на ХРТ, а сега истакна дека во Србија „никој не знае кој е“ и дека ќе биде „ забавно“ да се гледа како губи на ЕВРО.
„Што се однесува до Србите, во однос на егото и нивните внатрешни проблеми, мило ми е што се во првенството бидејќи нема да биде досадно. Особено ако загубат во првиот натпревар, што е и очекувано. Се надевам дека нема да се распаднат, тогаш ќе има многу материјал. Селекторот не му носи ништо на тој тим, не во однос за тоа кој е поголема ѕвезда, видовме како го пцуе својот играч на пријателски натпревар, правејќи ги сите работи за кои долго време немаат репрезентација и веројатно никогаш нема да имаат репрезентативен култ“, изјави Јеличиќ за „ХРТ“.
Кој е Јошко Јеличиќ? Публиката во Македонија не го познава премногу, а во Хрватска знаеше да направи скандал и додека играше фудбал.
Јошко Јеличиќ играше и во лигата на СФР Југославија, бидејќи го имаше своето деби за Хајдук од Сплит во 1987 година. Во следните шест години тој беше клучен играч на тимот и постигна 38 гола на 158 натпревари. Тој го освои последниот Куп на Маршал Тито кога Хајдук на стадионот „ЈНА“ ја победи Црвена звезда со 1-0 со голот на Ален Бокшиќ. Јеличиќ тој меч го започна на клупата за резерви, а кога Игор Штимац доби црвен картон во 70. минута го замени Ардијан Кознику и на теренот беше од 78. минута до крајот на натпреварот.
Со Хајдук во 1992 година ја освои и хрватската лига, прва титула досега во оваа земја, а потоа во 1993 година се пресели во големиот проект на Динамо Загреб. Во 1993 година ја освои титулата со Динамо, а беше еден од ретките фудбалери кои оди директно од Хајдук во Динамо. Беше во Севилја една година, а потоа се врати во Динамо каде играше малку од 1997 до 2001 година.
Што се однесува до репрезентацијата, тој одигра само еден натпревар! Во 1992 година играше на пријателски натпревар со Австралија во Мелбурн. На 5 јули 1992 година се одигра првиот натпревар на Хрватска откако беа примени во УЕФА, што се случи на 3 јули 1992 година. Сепак, тоа беше негов единствен натпревар во репрезентацијата и не го заврши бидејќи доби црвен картон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
