Србија вечерва ќе се обиде да ја изненади фаворизираната Англија на стартот од ЕВРО 2024, а спортската јавност кај нашиот северен сосед потсетува на легендарниот меч што поранешна Југославија го одигра со „гордиот албион“ во полуфиналето од ЕП 1968 година.
Дуелот што се одигра во Фиренца заврши со голема победа на Југославија од 1-0 со голот на Драган Џајиќ, а Фудбалскиот Сојуз на Србија денеска на своите профили на социјалните мрежи објави фотографија и видео од тој легендарен погодок, со надеж за реприза на вечерашниот дуел во Гелзенкирхен.
Џајиќ ќе биде присутен на арената во Гелзенкирхен, овојпат како претседател на Фудбалскиот Сојуз на Србија, па останува да се види дали и вечерва ќе има причина за радост како што тоа беше случај во Фиренца пред 56 години.
😍 Антологијски гол Драгана Џајића за победу против Енглеске у Фиренци (1:0) и пласман у финале Европског првенства 1968. године. 🔥 pic.twitter.com/QwnDVkR7hD
— Fudbalski savez Srbije | FA of Serbia (@FSSrbije) June 16, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
