Спорниот момент од синоќешниот дуел меѓу Холандија и Франција, поништениот голман на Чави Симонс беше главна тема и при изјавите на главните актери на натпреварот.
Францускиот селектор очекувано застана во одбрана на англиските арбитри, тврдејќи дека голот е оправдано поништен.
„Немаше гол. Тоа е чист офсајд, такво е правилото, ако некој фудбалер му пречи на голманот, дури и на неговиот поглед на движењето на топката, тоа е офсајд. Од она што го видов, нема дилема дека е офсајд“, изјави Дешамп по мечот.
Неговиот ривал на спротивната страна, Роналд Куман, имаше поинакво толкување на фудбалските правила.
„Позицијата на Дамфрис е офсајд, но тој воопшто не му пречи на голманот. Кога е таква ситуација, голот треба да биде признаен. Впрочем, се беше очигледно. Зошто им требааа пет минути да го поништат голот, навистина не разбирам“, разочаран беше холандскиот селектор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
