Српската репрезентација се врати во Белград испратена со серија неразјаснети ситуации по елиминацијата уште во групната фаза на Европското првенство 2024.
И додека дел од српските медиуми информираат дека селекторот Драган Стојковиќ – Пикси е веќе поранешен, а претседателот на Србија, Александар Вучиќ се дрзна да коментира и лично за фудбалот, дури и тој најавувајќи промени во сојузот, од Фудбалскиот сојуз на Србија засега молк а Стојковиќ истакнува дека не планира да поднесе оставка.
Во меѓувреме се шпекулираше дека четворица стандардни првотимци изјавиле дека нема да играат повеќе додека селектор е Пикси. Но, по слетувањето во Белград, двајца од „бунтовниците“ кои се спомнуваа, капитенот Александар Митровиќ и голманот Предраг Рајковиќ, кој беше и најсветла српска точка на турнирот, го демантираа тоа.
„Разочарани сме, но ќе биде подобро. Не, не е точно дека нема да играм додека Пикси е селектор“ – истакна Рајковиќ пред српските медиуми, а истото го повтори и Митровиќ.
„Нема никаква вистина во тоа. Мислам дека смислено од медиумите се преувеличуваат сите работи“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
