Раководството на Манчестер Јунајтед сериозно ја разгледува можноста да го привлече централниот дефанзивец на Холандија и Баерн (Минхен) Матаис Де Лихт . Според англиските медиуми, се уште не се започнати конкретни разговори меѓу двата клуба, но оваа опција станува се повозможна за клубот од Олд Трафорд.
Манчестер Јунајтед претходно имаше интерес за Де Лихт, по што се пресели во Јувентус и Баерн (Минхен). Дефанзивецот работеше во Ајакс со сегашниот менаџер на „црвените ѓаволи“, Ерик тен Хаг, кој дури го направи капитен на само 19 години.
Голема трансфер цел на Јунајтед досега беше Џерад Брантвејт од Евертон . 20-кратните шампиони доставија понуда од 35 милиони фунти плус 8 милиони фунти во бонуси. Сепак, Евертон сака минимум 70 милиони за својот централен дефанзивец и затоа Холанѓанецот стана приоритет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
