Марко Пјаца е нов играч на Динамо Загреб. Поранешниот крилен напаѓач на Риека по осум години се врати во Динамо. Тој и се уште е најскапиот трансфер на Динамо откако во 2016 година беше продаден на Јувентус за 29,4 милиони евра.
Јувентус имаше големи планови со Пјаца, но неговата кариера не се движеше во посакуваниот правец. Само три месеци по пристигнувањето во Јуве, тој ја скрши фибулата, поради што три месеци беше надвор од терените.
Само што направи голем пресврт, со голот за победа на Јувентус против Порто во осминафиналето од Лигата на шампионите, Пјаца повторно ги скина вкрстените лигаменти на натпреварот против Хрватска во март 2017 година. Поради ова, тој беше принуден да паузира половина година. После тоа, неговата кариера стагнираше додека не дојде во Риека, каде што повторно доби повик во репрезентацијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
