Бразил ги заврши своите натпревари на Копа Америка уште во четвртфиналето по поразот на пенали од Уругвај. Колумбија, пак, убедливо со 5-0 славеше против Панама.
Бразилците комплетно ги разочараа своите навивачи со игрите на Копа Америка каде одиграа четири меча, и од нив само една победа.
Во четвртфиналето одиграа 0-0 со Уругвајците во регуларниот дел, и покрај тоа што имаа и играч повеќе од 74. минута откако противникот остана со фудбалер помалку по црвениот картон на Нандез.
Во пенал-рулетот кај Бразилците промашија Милитао и Даглас Луиз, што беше доволно Уругвај да обезбеди полуфинале.
Во полуфинале е и Колумбија која ја победи Панама со 5-0 со головите на Кордоба, Родригез и Диаз во првиот дел, и Риос и Мигуел Борха во второто полувреме.
Уругвај во полуфиналето ќе игра со Колумбија, а втората полуфинална двојка на Копа Америка е Аргентина – Канада.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА