Младинскиот репрезентативец на Египет, Хусеин Валид Кадах е најновото засилување на РК Бутел за новата сезона во Суперлигата на Македонија.
Кадах има 20 години (195/102) и доаѓа од египетскиот клуб Ел Шармс Спортинг Клуб, а настапот во Македонија ќе му биде прво интернационално искуство во кариерата. Египќанецот игра на левата бековска позиција, а може да покрие и на среден бек.
„Навистина ми е чест што ќе играм за Бутел Скопје и ќе имам свој придонес на ракометната сцена во Македонија. Ова е фантастична можност во мојата кариера, и јас едвај чекам да ги придонесувам во тимот. Со нетрпение очекувам да работам напорно, да учам од моите соиграчи и тренери и да имам позитивно влијание на теренот. Заедно, верувам дека можеме да постигнеме големи работи и да донесеме успех на клубот“ – вели Кадах.
Претходно Бутел Скопје ги засили своите редови со пивотите Матеј Новаковски и Драган Шољиќ, левите бекови Теодор Тодоски и Тодор Узунчев и десните бекови Мартин Петровски и Димитар Узунчев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
