Германскиот тенисер Александер Зверев би можел да ги пропушти Летните олимписки игри кои започнуваат на крајот на овој месец во главниот град на Франција. Причина за тоа е ново стекнатата повреда на грен-слем турнирот Вимблдон.
Бранителот на трофејот од Игрите кои се одржаа пред три години се повреди во натпреварот од третото коло против Камерон Нори, а и покрај тоа што успеа да го добие овој меч, а и потоа да се појави на теренот за дуелот против Тејлор Фриц и во еден момент да поведе со 2-0, се чини дека дополнително ја зголеми својата повреда.
Зверев го загуби мечот од Американецот, а по него мораше да прими и медицинска помош. Неговиот брат Миша Зверев откри дека може да станува збор и за микроскопска скршеница на коската која Германецот ќе го оддалечи од теренот на подолго време.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
