Англија има шанса конечно да стигне до долгопосакувната титула на Европските првенства откако се најде во големото финале на собирот на најдобрите фудбалски репрезентации на „стариот континент“. За противник во големото финале кое ќе се одигра во недела во Берлин, „Гордиот Албион“ ќе ја Шпанија.
Во пресрет финалето за медиумите говореше и селекторот на Англија, Герет Саутгејт кој имаше пофални зборови за Шпанците, но и изрази голема желба по долго време конечно неговата нација да се израдува на трофејот.
„Шпанија изгледа како фаворит кога ќе погледнеме што успеаја да сторат на овој турнир. Ние сме повторно во финалето и овој пат мораме да победиме. Тоа го посакуваме со децении, а позади нас стојат милиони навивачи кои го чекаат тој момент.
Ривалот е скоро совршен на теренот, а ние мораме да сме тактички совршено подготвени. Мислам дека сме многу близу по квалитет и победникот можат да го решат мали нијанси, секунди и моменти. Ќе биде интересно“, изјави Саутгејт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
