Одличните настапи на Дани Олмо на Европското првенство го привлекоа вниманието на најголемите европски клубови, па Шпанецот наскоро би можел да го смени клубот.
Иако долго време се зборува за можно враќање во Барселона, финансиските проблеми на каталонскиот клуб би можеле да го пренасочат во Манчестер Сити, под водство на Пеп Гвардиола.
Италијанскиот новинар Џанлука ди Марцио, специјалист за фудбалски трансфери, објави дека „граѓаните“ интензивно работат на комплетирање на трансферот до вторник, кога истекува клаузулата во договорот на Олмо со Лајпциг, која му дозволува да замине за 60 милиони евра.
Доколку трансферот се реализира за таа цена, Динамо, кој има право на 20 отсто од заработката на Лајпциг од трансферот на Олмо, ќе добие околу 12 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
