Британскиот тенисер Енди Мареј кој е двократен олимписки победник во сингл конкуренција од Лондон во 2012 година и Рио во 2016 година, реши да се натпреварува само во парови на Олимписките игри во Париз.
Во јуни, Мареј беше опериран за отстранување на циста од ‘рбетот и поради тоа на неодамнешниот Вимблдон се откажа од играњето во поединечна конкуренција и настапи само во двојки, а истата ситуација ќе се повтори и на ОИ, каде Мареј ќе игра со Даниел Еванс.
„Решив да се откажам од сингл за да се концентрирам на двојки со Дан. Тренинзите се одлични и одлично соработуваме во играта. Со нетрпение очекувам да можам уште еднаш да ја претставувам Британија“, објави Мареј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
