Женската австралиска штафета на 4х100 метри слободно го освои златниот медал на Летните олимписки игри во Париз поставувајќи нов олимписки рекорд. Штафетата во состав Моли О’Калахан, Шејна Џек, Ема Мекион и Мег Харис делницата ја препливаа со време од 3:28.92 што е за 77 стотинки од штафетата на Австралија од игрите во Токио пред три години.
Сребрениот медал им припадна на Американките во состав: Кејт Даглас, Гречен Волш, Тори Хаски и Симоне Мануел со време 3:30.20 минути што е нов рекорд на Соединетите Американски Држави.
Бронза и азиски рекорд постави штафетата на Кина во состав Јунксуан Јанг, Јуџие Ченг, Јуфеј Жанг и Кинфенг Ву со време од 3:30.30 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
