Атлетико Мадрид е блиску до потпис со англискиот репрезентативец Конор Галагер. Преговорите вродија со плод, и Челси ја прифати понудата од Диего Симеоне за играчот од средниот ред.
Сумата околу целиот трансфер ќе изнесува меѓу 35 и 40 милиони евра. Галагер не е во плановите на Челси, и со оглед на големиот фонд на играчи, лондонските „сини“ се решија да го пуштат.
Сега останува уште Галагер да ги договори личните услови со шпанскиот тим, и фудбалерот да се пресели во Шпанија. За него имаше интерес и од Тотенхем, но Челси не сакаше да го продаде на друг англиски клуб.
Во минатото Галагер од Челси како позајмен настапуваше во Чарлтон, Свонски, ВБА и Кристал Палас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
