Koшаркарите на Канада остануваат максимални на машкиот турнир на Летните олимписки игри во Париз откако денеска во последниот меч од групната фаза славеа над Шпанија со 88-85 и со тоа ставија крај на надежите на „црвената-фурија“ за пласман меѓу осумте најдобри.
Натпреварот почна израмнето и по десет минути игра на семафорот стоеше егал (19-19). Канаѓаните одиграа фуриозна втора четвртина во која постигнаа дури 30 поени, па на пауза заминаа со двоцифрена предност (49-38).
Шпанија даде максимум во вториот дел да се врати во мечот и успеа да го внесе во неизвесна завршница, но сепак Канаѓаните одолеа и на крајот стигнаа до конечен триумф од 88-85. Гилџс Александер 20 поени беше прво име во таборот на Канада, додека кај Шпанија седумнаесет постигна Дарио Бризуела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
