Денешниот пораз од Канада значеше и елиминација на Шпанија од ОИ 2024, воедно и крај на кариерата на фантастичниот Руди Фернандез, кој се збогуваше со кошарката на најголемата можна спортска сцена.
Извонредниот крилен кошаркар пред два месеца и официјално се збогуваше од Реал Мадрид објавувајќи дека настапот на ОИ во Париз ќе биде негов последен во кариерата, по што ќе замине на заслужен одмор.
„Руди е прекрасен пример за играчи од целиот свет, бидејќи тој не е некој што може високо да скока или има неверојатна техника или пак височина. Сепак, Руди низ годините покажа дека ако дадеш се од себе и се обидуваш да ги поместуваш сопствените граници, можеш да ги покриеш сите слабости. Супериорната ментална сила е она што го красеше Фернандез сите овие години“, изјави селекторот Скариоло веднаш по последниот меч на оваа кошаркарска суперѕвезда.
Зад Фернандез остануваат запишани две злата на светските првенства, четири на Евробаскет и три олимписки медали (две сребра и една бронза), како и три евролигашки титули.
What a legendary career Rudy Fernandez…👏🇪🇸
🥇🥇 FIBA World Cup
🥇🥇🥇🥇 EuroBasket
🥈🥈🥉 Olympic Games
🏆🏆🏆 Euroleague
🏆🏆🏆🏆🏆🏆🏆 ACB
🏆🏆🏆🏆🏆🏆🏆 Copa del Rey
🏆🏆🏆🏆🏆🏆🏆🏆🏆 Spanish SuperCup pic.twitter.com/epxBtu29Bn— Eurohoops (@Eurohoopsnet) August 2, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
