Француската џудо репрезентација освои ново злато за домаќините на ЛОИ 2024, овој пат во мешовита комбинација, и повторно херој на нацијата беше спектакуларниот Теди Ринер.
Французите во финалето дојдоа до победа од 4-3 во борби над Јапонија, и покрај тоа што имаа негатива и од 1-3.
Но, на џудо турнирот посебно впечатлива беше борбата на Ринер против Јужнокореецот Ли Јон-Хван во претходната рунда, во која Французинот победи со ипон по само 94 секунди.
Не беше тоа ништо чудно ако се знае дека џудисот од Јужна Кореја беше 60 килограми полесен од Ринер, кој има 141,5 килограми.
Се работи, инаку, за дисциплина во која се можни и такви борби ако тренерите се одлучат за тоа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
