Јанг Бојс ја доби драмата со турски Галатасарај поведувајќи со 3-2 во првиот натпревар од плеј-оф рундата за пласман во групната фаза од Лигата на шампионите.
Во крајно израмнет натпревар, Швајцарците до победата дојдоа со голот на Угриниќ во 86. минута. Претходно, Јанг Бојс имаше водство и од 2-0 на полувремето, но Галатасарај со двата гола на Батчуаји со 67. и во 72. минута се врати во игра.
Динамо Киев, пак, е пред елиминација во Лигата на шампионите откако загуби со 0-2 од Салцбург.
Со идентични 0-2 пред своите навивачи загуби и шведски Малме од Спарта Прага која е на пат да обезбеди групна фаза во ЛШ.
Неизвесно на реваншот ќе биде во Братислава, откако Слован ремизираше (1-1) на денешното гостување против Митјиланд во Данска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
