Македонскиот шампион Е. Пелистер ќе игра во финалето на „Купот на пријателството“ во Болу, Турција, откако во полуфиналната пресметка славеше против Чеховски Медведи со 26-25 (12-15).
И покрај добриот старт на мечот на битолчани, сепак Чеховски Медведи направи серија 8-3 преку Котов и Горнев и на полувремето замина со предност од 12-15.
Во второто полувреме Русите дојдоа до предност и плус пет гола, но потоа се беше во знакот на македонскиот тим кој со пресврт успеа да дојде до победа, откако во последниот напад погоди Жарко Пешевски за 26-25.
Богдан Радивојевиќ со десет гола беше најдобар меѓу стрелците. Манасков, Борзаш и Пешевски постигнаа по три погодоци, а кај Чеховски Медведи се истакна Фурцев со пет и Котов со четири гола. Противник на Пелистер во финалето ќе биде подобриот од второто полуфинале меѓу Мешков Брест и АЕК Атина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
