Англискиот прволигаш Брајтон не запира со засилувањата за новата сезона. По ангажманот на осум нови фудбалери на југот на Англија пристигнува и деветтиот во името на Мет О’Рајли.
Дваесетитригодишникот во Брајтон се сели од шкотскиот гигант Слетик во трансфер вреден 35.4 милиони евра со бонуси со што тимот кој минатата сезона заврши како единаесетти во Премиерлигата ја надмина границата од 200 милиони евра потрошена на нови засилувања за сезоната 2024/25.
За О’Рајли тоа воедно значи и враќање во Англија од каде и потекнува. Тој во минатото настапуваше за младинската школа на Фулам, во 2022 година од Милтон Кејнс се пресели во Селтик.
Во „зелено-белиот“ дрес одигра 124 натпревари, постигна 27 голови и додели 35 асистенции освојувајќи три титули во шкотското првенство, два Купа и еден Лига Куп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
