Наполи под водство на Антонио Конте ја забележа првата победа во сезоната откако во 2. коло од Серија А славеше на домашен терен против Болоња со убедливи 3-0.
Италијанскиот стратег не го криеше задоволството по триумфот велејќи дека истата треба да донесе поголема самодоверба за предизвиците кои следат.
„Ми се допадна амбицијата на тимот против еден многу организиран противник, кој ќе игра во Лигата на шампионите. Оваа победа треба да ни донесе самодоверба и да ни покаже дека сме способни да постигнеме големи работи ако сме обединети. Победата е важна и заради навивачите, бидејќи нивната поддршка е од фундаментално значење.
Имам голема доверба во овие момци, и тие направија се за да останат тука. Тренираат напорно, но против Верона не личеа на себеси. Ова е мојата прва победа во Неапол и сакам да ја задржиме оваа позитивна енергија“, изјави Конте.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
