Кристијано Роналдо е подготвен за новата сезона во Ал Наср и се уште не размислува за пензија. Португалскиот напаѓач не ја започна најдобро сезоната. Неговиот клуб загуби убедливо во Суперкупот од Ал Хилал, но Роналдо постигна гол.
Еден од најдобрите играчи на сите времиња се уште не размислува за пензија, но речиси е сигурен каде ќе ја заврши.
„Не знам дали наскоро ќе се пензионирам, за две-три години. Сепак, веројатно ќе биде во Ал Наср. Многу сум среќен во овој клуб, се чувствувам добро и во земјата во која живеам. Сакам да играм во Саудиска Арабија и сакам да продолжам да играм фудбал овде. Тешко е да се помисли дека еден ден ќе бидам тренер. Во мојот ум, не размислувам да водам ниту еден клуб. Не размислувам за тоа. Гледам иднина правејќи некои работи надвор од фудбалот“, изјави Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
