Шведскиот репрезентативец Кристофер Олсон се врати дома по шестмесечен престој во болница, објави тој на социјалните мрежи. Олсон беше хоспитализиран и ставен на апарати за одржување во живот поради ретка болест на мозокот, објави неговиот дански клуб Митјиланд во февруари.
„Кристофер Олсон боледува од акутна мозочна болест која не е резултат на никакво самоповредување или надворешни фактори“, стоеше во соопштението на клубот.
Шведскиот интернационалец изгуби свест во својот дом во вторникот на 20 февруари и беше пренесен во Универзитетската болница во Архус, каде што беше хоспитализиран и ставен на респиратор.
Откако ја започна својата кариера во Арсенал, 28-годишниот фудбалер играше уште и за Норчепинг, АИК, Краснодар, Андерлехт, а минатото лето му се приклучи на Митјиланд. Има 47 настапи за шведската репрезентација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
