Познатиот српски кошаркар Предраг Стојаковиќ оваа година ќе биде примен во Куќата на славните на ФИБА. Победникот на Светското првенство во Индијанаполис влегува во куќата заедно со Реџи Милер, кој играше за тимот на САД на истиот шампионат.
Стојаковиќ освои речиси се во кариерата. Прво беше јуниор во Црвена звезда, потоа успешно играше за грчки ПАОК, а оттаму замина во НБА каде со години беше заштитно лице на Сакраменто Кингс. Тој не успеа да стигне до титулата во НБА со Владе Дивац, Мајк Биби, Даг Кристи и Крис Вебер, но подоцна тоа го направи со Дирк Новицки во Далас, каде што имаше епизодна улога во 2011 година.
Сепак, најголемите достигнувања на Стојаковиќ беа во 2001 и 2002 година. Со репрезентацијата на Југославија го освои Евробаскетот во Истанбул во 2001 година, а една година подоцна и Светското првенство во Индијанаполис. Во Франција во 1999 година играше за репрезентацијата на Југославија со која ја освои европската бронза.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
