ЕДЕН од најдобрите играчи од средниот ред на сите времиња, Тони Крос (34) летово ја заврши својата играчка кариера со настап на Европското првенство во родната Германија. Во него ги носеше дресовите на Баерн Минхен и Реал Мадрид со кои освои дури шест европски шампионски титули.
Најголемиот успех со германската репрезентација го постигна пред десет години во Бразил кога стана светски првак. Крос сега беше гостин во германскиот подкаст Einfach mal Luppen со неговиот една година помлад брат Феликс, исто така поранешен фудбалер.
Разговараа за повеќе актуелни теми, а се осврна и на Бундеслигата во која минатата сезона големиот Баер Леверкузен ја освои титулата без пораз и со тоа стави крај на 11-годишната доминација на Баерн. Баер го освои и купот, а загуби само еден натпревар во целата сезона, финалето на Лига Европа против Аталанта.
Крос прогнозира дека тимот на Чаби Алонсо ќе ја брани титулата, а не го гледа Баерн ниту како второпласиран:
„Баер Леверкузен ќе ја одбрани титулата, а мојата прогноза е дека Борусија Дортмунд ќе го освои второто место. Пред месец и половина, би рекол дека Дортмунд во најдобар случај ќе биде петти, мислам дека претходно имаа многу лоши трансфери, но ова лето завршија одлична работа“, смета Крос.
Браќата Крос предвидуваа дека Баерн ќе биде трет, а Лајпциг четврти, исто како и минатата сезона.
За крај Тони ја предвиде и сезоната во Шпанија:
„Мислам дека тоа ќе биде иста приказна на долг период, Реал секако ќе ја брани титулата шпански шампион, во тоа не се сомневам. Трката за второто место ќе ја добие Атлетико Мадрид пред Барселона“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
