Ракометарите на хрватскиот шампион ППД Загреб направија вистинска сензација откако вечерва на домашен терен славеа против актуелниот вицешампион Алборг со 31-23 во натпревар од 2. коло од новата сезона во Лигата на шампионите.
Хрватите уште во првото полувреме почнаа силно па веќе на пауза имаа позитива од четири гола 13-9. До крајот успеаја да го исконтролираат резултатот и да стигнат до голем триумф во борбата за пласман во нокаут фазата. Кларица и Главаш со по седум гола беа најдобри поединци кај победникот, додека кај поразените Кристиан Бјорнсен постигна пет гола.
Динамо Букурешт ја забележа и втората победа сезонава во елитата откако вечерва помалку и изненадувачки славеше на гостувањето во Полска, кај Висла Плоцк со 25-28. Во еден израмнет меч Романците во текот на сите шеесет минути беа подобар противник и на крајот заслужено стигнаа до триумф од 26-28. Станислав Кашпарек со пет гола беше прво име кај победникот, додека кај поразените Микал Дашек постигна седум гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
