Лина Ѓорческа тргна триумфално на В72 турнирот што се одржува во Куршумлијска Бања откако македонската тенисерка рутински славеше на мечот против Луиза Мејер ауд дер Хајде од Германија со 2-0 во сетови.
Лина почна одлично и набрзина стигна до предност од 4-1, но Германката успеа да се врати и да го одведе првиот сет во тајбрејк. Во него сепак поумешна беше нашата тенисерка, славејќи со 7-5 и трасирајќи си го патот до следната рунда. Во вториот сет можеше да се проследи целосна доминација на Ѓорческа, која триумфираше со максимални 6-0.
Нејзина следна противничка ќе биде првата носителка Пана Удварди од Унгарија, 135. тенисерка на најновата ВТА-листа. Удварди денеска потешко од очекувањата триумфираше над Приморац од Хрватска со 2-1 во сетови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
