Извршниот директор на Њукасл, Дарен Елс, ќе се повлече од функцијата во клубот откако му беше дијагностицирана хронична форма на рак на крвта, објавија од англискиот премиерлигаш.
52-годишниот Елс пристигна во Њукасл во јули 2022 година од МЛС тимот на Атланта Јунајтед каде што беше претседател и извршен директор од основањето на клубот во 2014 година.
За време на неговиот мандат на „Сент Џејмсис парк“, Њукасл стигна до финалето на Лига купот, домашно финале по 24-годишно чекање каде беше поразен од Манчестер Јунајтед. Исто така, Њукасл се врати во Лигата на шампионите во негово време.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
