Словенечкиот велосипедист Тадеј Погачар (26) стана светски шампион на друмската трка во Цирих, Швајцарија. На патеката долга 274 километри, Погачар се одвои од другите на последните 50 километри и постигна историски успех за словенечкиот велосипедизам, кој за првпат го освои светското злато.
Погачар ја мина целта 34 секунди пред сребрениот Австралиец Бен О’Конор и 58 секунди пред минатогодишниот холандски шампион Матје ван дер Поел.
Ова е 86-та победа за Погачар и една од најголемите и најважните во кариерата. Само оваа година победи на 23 трки и стана само третиот велосипедист во историјата кој ја освоил познатата тројна круна во една сезона со победи во Италија, Франција и СП. Само Белгиецот Еди Меркс (1974) и Ирецот Стивен Рох (1987) успеаја да го направат тоа претходно.
Tadej Pogačar is World Champion 🤩🌈
Attacking with 100km to go, the Slovenian completes the triple crown of the Giro, Tour de France and Worlds in one season 👏#Zurich2024 pic.twitter.com/SkzXDXXNv9
— Eurosport (@eurosport) September 29, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
