Селекторот Благоја Милевски денеска го објави списокот на фудбалери на кои ќе смета за следните натпревари во Лигата на Нации на гостински терен против Летонија и против Ерменија.
Милевски со едно ново име во Андреј Стојчевски, ќе ги дочека следните натпревари, а со оглед дека Серафимов и Зајков ќе ги нема поради суспензија, се одлучи да го повика стоепро на Жилина.
„Не очекуваат уште 4 натпревари до крајот на Лига на нации. Секој меч до крај ќе биде еднакво важен. Ме радува фактот и се надевам дека ќе остане така до крај дека се зависи од нас. Македонија се прашува за изгледот на табелата до крајот на Лигата на нации“, изјави Милевски.
На списокот го нема ниту Агон Елези, а за неговата ситуација и за повикот на Стојчевски, Милевски одговори.
„Разговарав со Агон Елези и не сум задоволен од неговиот статус во тимот. Тој е професионалец и ќе даде се од себе да се наметне во клубот. За овие два меча имаме одредени проблеми во фазата на одбрана поради жолтите картони на Серафимов и поради црвениот картон на Зајков, па поради тоа Стојчевски е повикан“, кажа Милевски.
Селекторот кажа дека целта на репрезнтација е да остане на првото место и после овие два натпревари. Уште еднаш повтори дека овие фудбалери се најдобрите кои македонија ги има во моментов.
„Македонија е задоволна ако и по овој собир биде на првото место на табелата каде што е во моментов. За натпреварувачка форма не можам да зборам дека многу имаат проблеми со формата во клубовите. Овој тим е граден неколку години и овие фудбалери се најдобрите кои ги има Македонија во моментов
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
