Фудбалерите на хрватскиот шампион Динамо Загреб може да жалат бидејќи пропуштија позитива од два гола во последните дваесет минути и одиграа само 2-2 против Монако во меч од 2. коло во Лигата на шампионите.
Домаќините до водство од 1-0 стигнаа со погодокот на младиот Сучиќ во судиското надополнување во првото полувреме. На 2-0 зголеми Батурина во 66. минута. Салису во 74. минута намали на 2-1, додека конечните 2-2 ги постави Закарија од пенал во 90. минута. Македонските интернационалци Стефан Ристовски и Аријан Адеми беа во почетната постава на модрите. Ристовски го одигра целиот натпревар, додека Адеми беше променет во 63. минута.
Dinamo Zagreb 2 – [2] Monaco – Denis Zakaria 90' (Penalty)
byu/etclassico insoccer
Јувентус и со фудбалер помалку успеа да слави на гостувањето кај Лајпциг со 2-3. Домаќините поведоа со 1-0 со голот на Шешко во 30. минута. Гостите израмнија преку Влаховиќ на 1-1 во 50. минута. Стигна проблем за гостите откако Ди Грегорио доби директен црвен картон во 59. минута, а Шешко од пенал во 65. минута донесе ново водство за домаќинот (3-2). Сепак, до крајот „старата дама“ со головите на Влаховиќ во 68. и Консеисао во 82. минута стигна до голема победа од 2-3. Елиф Елмас не доби шанса за својот тим, ниту на овој натпревар.
РЕЗУЛТАТИ 2. КОЛО ЛШ:
ЖИРОНА – ФЕЕНОРД 2-3
ШАХТЈОР – АТАЛАНТА 0-3
АСТОН ВИЛА – БАЕРН М. 1-0
БЕНФИКА – АТЛЕТИКО М. 4-0
ДИНАМО З. – МОНАКО 2-2
ЛИЛ – РЕАЛ МАДРИД 1-0
ЛИВЕРПУЛ – БОЛОЊА 2-0
ЛАЈПЦИГ – ЈУВЕНТУС 2-3
ШТУРМ – КЛУБ БРИЖ 0-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
