Бодот на Динамо Загреб против Монако (2-2) во второто коло од Лигата на шампионите е една од главните теми во Хрватска овие денови.
Во кошаркарските кругови одекна и колку Динамо добива од секое реми и победа, па го интересираше Александар Петровиќ, кој ја истакна големата финансиска разлика меѓу хрватските кошаркарски клубови и Динамо Загреб.
„Разликата во организација меѓу фудбалот и кошарката е највидлива во финансискиот сегмент. Бодот на Динамо против Монако вреди повеќе од поединечните буџети на Цибона, Сплит и Задар за тековната сезона“, напиша на твитер Петровиќ.
Да потсетиме, секој бод во групната фаза од натпреварувањето во Европа носи 700.000 евра, додека победата обезбедува два милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
