Германскиот репрезентативец Антонио Рудигер во својата богата кариера настапувајќи за Штутгарт, Рома и Челси играше заедно со бројни врвни фудбалери, а нивната бројка дополнително се зголеми откако се пресели во редовите на Реал Мадрид во 2022 година.
Фантастичниот стопер беше запрашан кој е најдобриот фудбалер со кој има соработувано, а одбра соиграч од „кралските“ редови.
„Карим Бензема. Можев да кажам и Лука Модриќ, Тони Крос или Еден Азар од деновите во Челси, но морам да го одберам Бензема“, изјави Рудигер.
Бензема и Рудигер настапуваа заедно пред Французинот да се пресели во редовите на Ал Итихад. Голгетерот важи за легенда на Реал Мадрид со 648 одиграни натпревари и 354 постигнати голови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
