Пол Погба ќе може повторно да заигра фудбал оваа натпреварувачка сезона откако францускиот ас доби значајна битка и големо намалување на првичната казна за позитивниот допинг тест на почетокот од ланската сезона.
Фудбалерот на Јувентус беше казнет со четиригодишна суспензија поради позитивниот тест по мечот со Удинезе во август минатата година. Суспензијата стапи на сила од 3 септември, но Спортскиот суд ЦАС денеска пресуди позитивно по жалбата на Французинот, чија казна е намалена на само 18 месеци.
Ова практично значи дека Погба од јануари ќе може да се врати на тренинзите на „старата дама“, а потоа по 3 март и конечно да заигра повторно фудбал.
Останува да се види во каква форма ќе се наоѓа овој фудбалски мајстор, кој по враќањето назад од Манчестер Јунајтед во Јуве имаше бројни проблеми со повреди, поради што настапи на само осум натпревари за „старата дама“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
