Динамо Загреб ја забележа втората победа во низа во хрватското првенство откако славеше на гостувањето кај Вараждин со 1-0 благодарение на голот на Хуан Кордоба.
Изјава по натпреварот даде поранешниот македонски репрезентативен капитен Стефан Ристовски кој се осврна и на лошите услови на теренот.
„Јас би рекол шест бодови со оглед на тоа какви беа условите денеска. Навистина, ова е под границата на професионален фудбал. Мислам дека не би сакал многу да говорам за условите. Мило ми е што славевме денеска, тоа е најважно.
По тешки 90 минути во средата против тежок противник како Монако, да дојдеме на ваков терен и да се приспособиме, да покажеме ваков карактер, мене ми е фасцинантно, честитки до целата соблекувална“, изјави Ристовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
