Новата сезона за Реал Мадрид не започна добро кога станува збор за повредите. Давид Алаба нема да се врати во предвиденото време, Дани Карвахал заработи тешка повреда и ќе биде во „аут“ цела сезона, повреден е и Едер Милитао па шпанскиот клуб е приморен на драстичен потег, во јануари на „Сантијаго Бернабеу“ да доведе врвно засилување за одбраната.
Изборот паднал на фудбалерот на Арсенал, Вилијам Салиба, 23-годишниот француски репрезентативец кој се наметна како еден од најдобрите стопери во Премиерлигата со одличните настапи за „топчиите“.
Французинот е голема желба на Карло Анчелоти и Реал Мадрид воопшто нема да штеди на негов ангажман. Според популарниот „Трансфермаркт“ тој вреди 80 милиони евра која ќе биде и почетната сума во преговорите, но јасно е дека за негов премин во главниот град на Шпанија ќе треба да бидат издвоени повеќе од 100 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА