Големи промени се случуваат во англискиот шампион Манчестер Сити. Англиските медиуми потврдија дека функцијата спортски директор ќе ја преземе Португалецот Хуго Виана. Тој пристигнува од Спортинг и во 2025 година ќе го замени Каталонецот Цики Бегиристајн, кој на споменатата позиција е од 2012 година.
Сепак, се уште не е решено прашањето кој ќе биде тренер на „граѓаните“ следната сезона. Имено, договорот на Пеп Гвардиола истекува на лето и тој се уште не го продолжил. Тој неколку пати во јавноста навести дека авантурата во Манчестер е при крај за него, иако клубот сака тој да остане со сите сили. Сега се знае кој би бил неговиот последен наследник.
Според каталонскиот Национал, тоа е Луис Енрике. Моментално е тренер на ПСЖ, но се очекува без проблем да го раскине договорот со францускиот клуб. Енрике во својата кариера ги водеше и Рома, Барселона, Селта и шпанската репрезентација. Со Барселона освои две лиги, три купа и Лигата на шампионите, а минатата сезона со ПСЖ ја освои тројна круна во Франција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
