Хрватската репрезентација дојде до втората победа во Лигата на Нации, откако вечерва на „Максимир“ потешко од очекувањата ја совлада селекцијата на Шкотска со 2-1. Шкотланѓаните во судиското надополнување постигнаа и гол, меѓутоа ВАР им го поништи поради офсајд, па така на крајот Хрватска стигна до трите бода.
„Коцкастите“ мораа да прават пресврт, откако Кристи со помош на Чалета-Цар во 33. минута го совлада Ливаковиќ и донесе предност за гостите. Матановиќ само три минути подоцна успеа да израмни.
Крамариќ постигна гол во 70. минута со глава. Адамс во 95 минута ја затресе мрежата на Хрватите, а потоа се огласи ВАР, па судијата Ковач го поништи голот.
Бугарија во Пловдив ја дочека селекцијата на Луксембург. Иако важеше за фаворит, сепак, Бугарија не успеа да дојде до победа, и играше само 0-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА