Швајцарија е едно од најголемите разочарувања во досегашниот дел од Лигата на Нации, откако оваа селекција е последна во својата група со само еден освоен бод, зад Шпанија со 10, Данска со 4 и Србија со четири бода на своите салда.
Швајцарците синоќа против Данска ремизираа 2-2 со скандинавската селекција, но капитенот Гранит Џака не крие дека најмногу од се го боли поразот во Лесковац од Србија претрпен пред неколку дена.
„Ќе бидам искрен, не можев да спијам до осум часот наутро следниот ден, по оној пораз од Србија. Тоа беше многу емотивен натпревар и секако дека поразот тешко ми падна. Самокритичен сум како човек, секогаш се мачам да заспијам по поразите, но ова траеше премногу долго…“, прокоментира Џака.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
