Околу 2 илјади навивачи на Валенсија синоќа се погрижиле за мал хаос пред стадионот по тешкиот и болен пораз кој го претрпе нивниот омилен тим, па револтот одлучиле да го прикажат такашто го блокирале излезот од каде играчите и директорите треба да го напуштат стадионот.
Лутите фанови на Валенсија одново го искажале огромното незадоволство за начинот на кој клубот е раководен од Лим, но полека бараат одговори и од играчите кои не нудат изданија какви што заслужува еден великан од Шпанија.
По вчерашниот драматичен пораз од Лас Палмас со резултат 2-3, Валенсија е нов „фенерџија“ во Ла Лига со само шест освоени бода по десет одиграни кола, што наведува дека ситуацијата може да станува уште подраматична ако не се променат нештата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
