Американската скијачка Микаела Шифрин најави дека оваа сезона нема да се натпреварува во дисциплината спуст и дека ќе се посвети повеќе на техничките дисциплини.
Три дена пред почетокот на Светскиот куп во скијање, Шифрин за време на онлајн прес-конференција рече дека одлучила да не се натпреварува во спуст и дека сака да се фокусира на слалом, велеслалом и супервелеслалом.
„Минатата година сакав да се подобрам во спуст, но сега сакам да се фокусирам на супервелеслалом, па решив да не се натпреварувам во спуст, за да имам повеќе време да тренирам за супервелеслалом, но и за техничките дисциплини“, изјави Шифрин.
Шифрин досега забележа 97 победи во Светскиот куп, што е апсолутен рекорд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
