МЗТ Скопје влезе во победничка низа во Првата македонската кошаркарска лига откако во 4. коло во првиот домашен натпревар во сезоната славеше над новајлијата во првенството, Куманово со 78-71 на крилја на Американецот Слај кој постигна шест тројки од седум обиди.
Отварањето на натпреварот беше целосно во знакот на аеродромци кои поведоа со 11-4, но како што одминуваа минутите во првата четвртина во ритам влезе Куманово кој не само што брзо ја анулираше негативата, туку и со тројката на Радукиќ со звукот на сирената поведе со 19-20. Изедначената игра продолжи и во поголемиот дел од првото полувреме, а серијата од 8-0 им донесе на домаќините предност од пет поени (35-30), предност кој беше задржана до полувремето (40-36).
МЗТ Скопје го задржа ритамот во второто полувреме, ја контролираше играта во текот на третата четвртина па влезе во последните десет минути со преднсот од 67-58. Првата двоцифрена предност избраниците на Атанасов ја забележаа во 32. минута, а истата беше доволна за трет триумф во сезоната.
Слај со 27 поени беше лидер на МЗТ Скопје, додека 22 поени за Куманово постигна Радукиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
