Кошаркарите на Денвер нагетс стигнаа до првата победа сезонава во НБА лигата откако синоќа славеа на гостувањето кај Торонто по продолженија 125-127. Феноменален во победничкиот табор беше Никола Јокиќ кој мечот го заврши со 40 поени, 10 скока и 4 асистенции. Кај поразените најефикасен беше Скоти Барнс со 21 поен.
Феникс санс им го нанесе првиот пораз на кошаркарите на Лос Анџелес лејкерс откако на домашен терен славеше со 109-105. Букер со 33 и Дурант со 30 поени беа први имиња кај победникот, додека кај поразените недоволни беа 29 поени на Ентони Дејвис.
Во останатите мечеви од синоќешната понуда: Орландо – Индијана 119-115, Атланта – Вашингтон 119-121, Бостон – Милвоки 119-108, Мајами – Детроит 106-98, Њујорк – Кливленд 104-110, Мемфис – Чикаго 123-126, Сан Антонио – Хјустон 101-106, Далас – Јута 110-102 и Сакраменто – Портланд 111-98.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
