Тренерот на Наполи, Антонио Конте после победата над Милан, изјави дека би било вистинско чудо доколку тимот дојде до Скудетото.
Наполитанците вчера со 2-0 го совладаа Милан на негов терен, и сега се на првото место на табелата со седум бодови пред второпласираниот Интер.
„Не се криеме, но ајде да бидеме реални. Нашите резултати се одлични, не помислував на ваков почеток. Имам одредени успеси зад мене, и тоа носи очекувања. Нашата цел е да се вратиме во Европа. Наполи минатата сезона заврши со 41 поен зад шампионот. Сакаме да ги натераме навивачите да сонуваат, но мора да ги држиме цврсто нозете на земја. Ова е еден од најдобрите состави кои сум ги имал. Атмосферата е одлична. И на крај би сакал да кажам дека би било вистинско чудо ако дојдеме до титулата, но тоа не значи дека нема да се обидеме ако се укаже шанса“, рече Конте.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
